بسم الله الرحمن الرحيم
خلقوك ابزمن ماينوجد طين
بس انت الوحيدمن الذهب طينك
طينك من ذهب والصاغك استاذ
وسبحانه الرسم زرگة بحرعينك
يابستان اخضر بربع افصول
احلىٰ من العسل رمانك وتينك
من حگه التراب ايدوخ لوشمك
لان سكران من نفحة رياحينك
ياطول النخل راكعلك اركوع
لان كارون حاضن يسرىٰ ويمينك
يامعدن كرامة وطيب واخلاص
من حگهه الزلم باست فناجينك
تمطر خير و ترش السماوات
ولتلوم الارض تشرب من ايدينك
اشوفنهه العرب محترگه وتغار
تتحسد نجوم الحبت اجبينك
تاريخك فخر ومشرف الكون
وياقلم الگدريكتب وغىٰ اسنينك؟
مجروح وتعاني اداوي بلناس
صارسنين صامد محد ايعينك
تستاهل اذا عدموهه الرجال
وخل تفنىٰ الزلم بس محدايهينك
مجنونك انا وهاي من الاسرار
وهذا السر يظل بس بيني وبينك
ﺷﻜﺮا ﻟﻤﻦ ﻗﺮا, ﻳﺮﺟﻲ اﻋﻂﺎ ﺗﻌﻠﻴﻘﻚ
ReplyDelete